قصيدة " ..........فين راح الأمان................ "
..........فين راح الأمان................
فين راح الأمان يابابا
............. بالله عليك رد جاوبني؟
لأنك إنت حبيبي وأكثر
........الناس إحساس باللى نايبني
وسامع صوت الرصاص من
......... دول جنبنا صابك وصايبني
وطفل يصرخ يابابا نار والأب
...عليه يرد إصبرعلى البلاء ياابني
جاوب يا بابا وقولي
..........ليه الإنسان يقتل الإنسان؟
وليه قلبه يكون قاسي
................على كل البشر وجبان
هو فين يا بابا الحكم بين
......... الخلايق بالعدل والإحسان؟
وفين كلامك لي وانا صغير
..بكره يا بطل دنيتك تكون بستان؟
وكبرنا يا بابا أنا وإنت
.............سوا و غطى راسك شيب
وشفنا حاجات كتير
..........كانت في زمانك يابابا عيب
شفنا غني مرتشي
................ومسئول بيشرط جيب
وشفنا مشايخ بتفتي
..................يابابا في علوم الغيب
وشفنا يابابا أم بتدس
.................السم في الأكل لولادها
وتقتل أبوها وأمها
..............وزوجها نكاية في حماتها
علشان عاشق خسيس
....... ..ضحك عليهابكلمتين وعجبها
وبعد ما نال مراده
.............راح لغيرها وللكلاب سابها
وعيشنا وشفنا يابابا رجال
............حبسوا رجولتهم في زنزانة
وماتت فيهم النخوة
............ورضيوا بذل وخسة وإهانة
وستات فقدت حياءها
........وماشية من غيرهدومهاعريانة
خلوني يابابا أتمني أموت
..........واندفن من صغري في جبانة
رد وقاله السبب يا ابني
...الطمع والجشع والسير وراء إبليس
والبعد عن الديانة وإهمال
........الأسرة وتقصيرنا في التدريس
والتقليد الأعمى لشباب عايش
........... في طوكيو وأنقرة و باريس
وتخبط الدول في قرراتها
..............وتعديلها كل يوم نواميس
وكذبنا على نفسنا ووضعنا
..........أمام الحقيقة بجهلنا متاريس
وإللى على الباطل يسير
....... نحتفل به كأنه محترم وعريس
فياإبني تعالى ندور أناوانت
........على الأمان وسط النفوس تاني
من أجل أجيال قادمة
........أخاف عليها تشرب المر وتعاني
ونهتم بالعلم والتعليم ونجعل
......... زهوره تزين بستانك وبستاني
ونطرد الخوف والحزن
................ونملا الدنيا أفراح وأغاني
ساعتها يرجع الأمن والأمان
....ونحقق للوطن أحلام كتير وأماني
لأني عمري وعمرك يابطل
..مهما يطول زي دنيتي ودنيتك فاني
..............بقلم الشاعر.......................
...........محمد جمال فايد..................
........جمهورية مصر العربية..............
....كفر شبرا زنجي الباجور منوفية ...
للشاعر/ة/ جمال فايد
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق