قصيدة " ياريتك "
Entsar Mohamad
ياريتك.. بقلمي/ إنتصار حسين
ياريتك حقيقة
مش رسم خيال
ياريتك بداية
لنهاية مُحال
ياريتني نغم
بلحن هواك
أو ورقة وقلم
بتكتب معاك
حكاية هنا
وازاي كان لقاك
كل النِعم
حقيقي هواك
بيِمحي الألم
...
وياريتني قصيدة
بقافية حروفك
بمعاني جديدة
منظومة بطيفك
أو بيت في العلالي
فوق في السما
منور بقلبك
ووروده أنا
حبيبي ياريت
تكون لية بيت
وانا ا سكن عيونك
وبرمشك اتغطيت
ياريتك وياريت
تقول حبيت
وانا خلي قلبي
سكنك وبيت
ومهما هويت
وسافرت وجيت
وقلت يوم حبيت
عمري ما الاقي
زيك حبيب
ينور حياتي
ويمحي آهاتي
واكونله ويكونلي
السكن والبيت
وياريتك ياريت
تقول حبيت
للشاعر/ة/ Entsar Mohamad
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق