قصيدة " انا معجب برامى وام كلثوم "
انا معجب برامى وام كلثوم
وحكاياتهم لما بقرأها بوقت النوم
ولما جى النهار كان الانهيار
بربعيات جاهين البسيطة
والابنودى لما بيكتب عدى النهار
وحبيبتك ف قلبك سايبة براح
بتسمع صوت حليم سواح
وتفتكر قصة الحب اللى تولدت
وتقول لنفسك ياريتها مبتدأت
بفتكر فليم معبودة الجماهير
والكل كان بشيد ع الكوادر
حليم وشادية بيبدعوا
وصوتهم يزيد عذوبة لما بيغنيوا
ولما بتسمع يا حلاوتك يا جمالك
تحس الدنيا بتندهالك
وتقولك قلبك ومفتاحه ملكنى
يا ريحتك ياللى حرمانى
رديت بصوت عال
تعالى ف حضنى
حب سعاد لكلامات جاهين
كان وجعها بيخف ويهون
تسمع اغانى الست
يطربك لحن السنباطى
ركبت تملى اليخت
وسمعت اغنية انا كلى ملكك
سمعت نص لعمرو حسن
بيقول فيه وحشتينى
لكن غيابها طال وما بيتحس
لانى هواها بيعذبنى
قررت ف يوم
وكان بالنسبالى يوم موعود
لمحت واحد بيعزف عود
ومتخفى تملى بالنطارة
قالولى دا حبيب ام كلثوم
القصبجى اللى حبها بجدارة
لفت نظرى بشاعر شاب
وسمعته كتيير جدا
وقولت بحب شعرك يا فرج
بكرة تلقى الفرح
يجوز كلماتك حزينة
بس تملى لما بسمعها
تخلى القلب مستمتع
وعيونك تملى بريئة
يا مصطفى يا ناصر
والشعر كالعادة خلانى مستمع
نظرتى للشمس ما بتتخيب ابدا
لانك تملى بتبدع يا شمسى
اسم ع مسمى يا قمرى
وعشقت نص ف عز حر الارصفة
كان كلمات حلوة بتحلى
وكان مبدعها عدلى
نفسى يا دنيا تحنى
وعشقت اميرة البيلى
انا كنت ربع شاعر
خالى دايما من المشاعر
دلوقتى لما حبيتها
خلتنى اكون شاعر
واحشانى بجد حنيتها
الفنان
(عبدالمجيد العسيرى)
للشاعر/ة/ عبدالمجيد العسيرى
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق