حبك بر الأمان /الشاعر سعيد الشيخ

قصيدة  : حبك بر الأمان 

الكاتب :سعيد الشيخ

حبيت فيكى القناعه

حبيت فيكى الحياء 

حبيت فيكى البساطه والطيبه

حبيت اختلافك عن كل النساء 

حبيت فيكى الحشمه ...

وعدم انشغالك لا بموضه ولا ازياء. . 

حبيتك لانك في الحق سكتك دوغري 

وكلك طيبه وانتماء 

حبيت فيكي الامانه 

حبيت فيكى الوفاء ...

حبيتك ...

حبيتك لانك عندى احلى بنت فى زمانها 

لا ليها كام وش

 ولا ليها فى نفاق او لون 

ولا صاحبة ضمير ملعون. ..

طريق الحق. ...

طريق الحق عنوانها وياما جواها شايله هموم 

ولا تبين وجعها لحد. ..

ووقف كلامها بتحاسب وتوضع حد .

قابلها كتير قلوب غشاشه كسرت فيها احلى امانى. ..

وكل ما تمشى قرب الشط 

بيجي الموج يغرقها وترجع تاني ...

تقابل ناس وتوعدها تلاقى اغانى. ...

وهو الهم جواها بقى بيكر فى يوم عن يوم. ..

بقي الفرح فى حياتها هموم. ..

بتضحك غلب وتهون على غيرها 

وتبني الفرح فى قلوبهم ولا تبين حالتها لحد 

مفيش منها فى جمال الروح وطيبة القلب حبها عهد 

مثير الفرح يجمعنا فى اى مكان. .

يا أجمل قلب حبيته فى احلى زمان. ...

عرفت الحب انا معاكى وكنتي  أمان. ...

تعالي نغير العنوان 

ونرسم حبنا ببهجه ونمحي صحيفة الاحزان 

ده حضنك حلم ولؤاكي عزف الحان 

كفايه الضحكه من قلبك تغير حلم عيشته زمان 

لانك وعد انا رسمته بصوره كبيره فى الوجدان 

ونبقى حكايه للعشاق ويحكوها فى كل اوان ...