زمن الحيتان بقلم الشاعر ⁦✍️⁩ إبراهيم الخلواني شوقي

زمن الحيتان
.....................
مليت من الغربه
وأنا وسط الأهل والخلان

مليت من الغربه
وأنا عايش وسط الجيران

أشتكى حالى لنفسى
ولا أشتكى للزمان

ماشى فى دنيتى
أبحث عن الإنسان

رحال كما السفينه
فى بحر بلا شطآن

تايه بين الأمواج
أبحث عن الأمان

رحل زمن الطيبه
وأصبح زمن الحيتان

إتبدلت العهود والكرامه
بالزور والخيانه والبهتان

فين لما كان الضمير
هو حارس المكان

والبلد كلها عيله وحده
والابواب مفتوحه فى أمان

والجار حارس لجاره
بدون هجر ولا نسيان

وكبير العيله كلمته واحده
بدون لف ولا  دوران

فين الحب الحقيقى لما يتولد
يجعل القلب والعقل ولهان

فين الضحكه الصافيه
لما العيون تدمع وتلمع لمعان

معقول يعود الزمن
مره ثانيه زى زمان

لزمن النبوه
وقبل زمن الحيتان
.......................
بقلم.ابراهيم الحلوانى شوقى