خداعة،،، بقلم الشاعر 👈إبراهیم الحلوانی شوقي

قصه شعريه واقعيه
خداعه
.........................
ليه تركتى الحلال
وماشيه يا حلوه شمال

رغم إنك متزوجه
من راجل إبن حلال

واهب حياته لكى
وواهب حياته للعيال

شايف فى أولاده السعاده
و فيكى الراحه والجمال

همه إن بيته
يعيش فى راحة بال

وأنتى خداعه
 وعايشه فى الضلال
...........................
زوجك يخرج فى الصباح
قاصد باب كريم

متوكل على ربه
يا فتاح يا رزاق يا عليم

وأنتى على النت سرحه
مع شاب تافه ووسيم

كلمه وضحكه وصوره
وتلحين وتقسيم

وفيديو بث مباشر
ومِسلمه نفسك تسليم

قميص مره أسود ومره أحمر
والصوت ناعم تنعيم

وهو منتظر لحظة الإفتراس
لأنه ذئب لإيم

وأنتى القلب إنشغل
أصبح أهوج وغير حكيم

وتقولى بتسله
يا حلوه دكلام غير سليم

صونى زوجك وعرضك
ولا يغويكى شيطان أثيم
............................
بقلم.ابراهيم الحلوانى شوقى