قصيدة " على المتكبر اتكبر "
على المتكبر اتكبر
واكول الله هو أكبر
وعلى المغرور اتهيب
زغير شما گمت تغتر
مااحب بگلب اعمى
وماانطي حجم اكثر،
ابفطنه اتعامل وي الناس
واطفر زلتي ومااعثر
اعيش بدنيتي مرتاح
واغسل طيبتي واتحجر
اصادق كل وفي باخلاص
اجازيه بمواقف ومنا اتعذر
واگله اتريد هاك اكثر،،
والمظنوك لاتحتار،
أگله إبشر،
عن المصلحجي اتكتر
ومن الدوني اتحذر،
واصحاب المزاج
اعليهم اتشطر
الاريده كون يصير،
وباذن الله ايصير،،
واخذ حگي، واتبختر
مااقبل باحجاية النمام
ولا واعد بشر
وااني ماأگدر
افهم شگولا واحجي
طگ بطگ
وعلى العايل اترجل
واشطر
اعيش بصدق ويا كل الناس
ماخون اليثق
باخلاصي اله اتعطر ،،
اعرف شحجي بعراضة الديوان
اتهيب وانتجي معدل واتعتبر
وعلى المغرور اتشطر
وعالمتكبر اتكبر، ،
وگله بعقلك احسبلي
حساب
هاذا اانه وبعد اكثر،،،
كلمات، اسعد الشرهاني
للشاعر/ة/ اسعد الشرهاني
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق