قصيدة " رافض أكون ضلك "
رافض أكون ضلك
او ضمن خدامك
يفيد بايه ذلك
او قسوة في غرامك
اعتبريني شيء ميت
او وهم بين حرفك
اعتبريني شيء عادي
مر في أحلامك
ودوسي علي قلبي
لو حن في يوم ليك
وزي العمر ماهو عدي
هتعدي ايامك
وزي ماتجرح
الجرح هنلمه
مش كل طفل اتولد
كان حد شال همه
وانا اللي عمري اتسرق
معرفش كام عدي
ولا ايه فاضل منه
سامحيني مقدرش أكون
عابد في محرابك
مقدرش أكون تابع
او حلم في منامك
مقدرش أكون همزة
او حرف في كتابك
أصل ا تولدت حر
مش ضمن خدامك
احمدعبدالحق
للشاعر/ة/ احمد عبدالحق
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق