((( سكااااااات )))
***********
عشان نعرف مين اللى مات
مش جايز اللى كان
ساكن فى جامع
ولا جايز اللى برقص بالصاجات
مش جايز بنت حاوى وبهلوان
ولا جايز بنت تايهه عن وطن
واحتمال بنت جان
سكات
يااللى ساكنين الزمن
مين اللى ساكن فى الكفن ؟
حقيقى النعش فات ؟
ولا لسه بشيلوا منه الذكريات ؟
بيقولوا رأس الكُـفر مات
مات اللى كان فؤاده مليان بالغضب
بيقولوا مات أبولهب
سكات
مفروض نوضح للبشر بعض الحاجات
حاجات نقولها ع القهاوى وفى الشوارع
والحارات
واكبر حرام لوقلنا كلمه
عن بعض الحاجات
كل واحد فينا يرسم ضحكتين
ضحكه للأمل اللى جايز يتولد
وضحكه كدابه
ع العمر اللى فات
سكات
**********
شاعر القريه
فـيـصــل بــــدر
ليست هناك تعليقات:
إرسال تعليق