جناح بلا ريش .........
أبسط من دي العيشة مفيش
لا أغصان حواليهم ولا سور
ولا حراس ولا حتي كرانيش
ولا كمان ريموت ولا ديكور
علي الأرض قاعدين والعيش
في إيديهم والغموس مستور
والنظرة ماشيه كمان بشويش
وعايشين البساطه في طابور
والطيبه جواهم وشها بشوش
وبدروا الصبر في الأرض البور
إخضرت التربة بتوب نفيس
والأرض فرحانه بيهم سرور
الحصيرة بتسيعهم جيوش
والحيطان ماإشتكتش م الجير
شوفوا الضحكة علي الوشوش
طالعة من غصن طارح زهور
علي الأرض الإرتياح مفروش
لا سرايات ولا رياش ولا قصور
صورة واقعيه مطالتهاش رتوش
من قلب الواقع المغمووووور
الوانها طبيعيه وصدق محسوس
خلت القلم ينطق علي السطور
وريحتهم تعشش في النفوس
والزمن عليهم داير ما يدووووور
والعفة جواهم امل منفووووووش
والأماني كلمه بتتكتب في التعبير
والطموح ف حياتهم جناح بلا ريش
وإمتي بقي ح يشوفوا النور ؟؟؟!
................ حسن الشوان ............
الشاعر /ة / حسن الشوان
تحت إشراف رئيس مجلس الإدارة السفيرة د. منى ضيا (منى داوود ضيا)
ليست هناك تعليقات:
إرسال تعليق