((( مهم جدا )))
************
ان البشر يتعلموا من قصتى
ان الزمن ينقش حكاية غربتى
وف رحلتى
لبس الهواى توب الحداد
توب السواد
والحزن خـيِّـم ع البلاد
والقهر خـيِّـم ع العباد
والصمت خـيِّـم ع الولاد
******
مهم جدا
تكون عنيف
وتنسى أبراج الأدب
وتسب ألف مِـلّـه
وتكون مِـداد لابو لهب
وتزرع الفتنه بين أخين
وتزود النار بالحطب
*****
مهم جدا
تبيع ضميرك والمشاعر
والكرم
ترسم أساطير الشراسه
وتبقى أعلى م الهرم
وتخلى سيرتك فى القباحه
أعلى م النار ع العلم
مهم جدا
عشان تعيش وسط البشر
لازم تكون إنسان حقير
إنسان ذليل
إنسان شبه سعف النخيل
بلاش تبالغ فى العواطف
لازم تكون شُـحْ وبخيل
******
مهم جدا
عشان تعيش وسط الكلاب
لازم تكون من غير ضمير
لازم تبيِّـن ثروتك
متقولش يوم انك فقير
مهم جدا
شاعر القريه
فيصل بدر
ليست هناك تعليقات:
إرسال تعليق