قصيده بعنوان((أعمل ايه)))) بقلم.ابراهيم الحلوانى شوقى

أعمل ايه
........................
رفعت الرايه البيضه خلاص
بتصرف مع الكل بلا إحساس

دكتور وحالف القسم
أغواه شيطان خناس

أهم حاجه عنده المال
لا يهمه مريض ذكور او إناث

ومعلم مربى فاضل
لا علم ولا ضمير ولا أساس

وقاضى وظيفته الحق
كل كلامه التباس

ما خاف من قاضى السماء
وترك سمعه للوسواس

وإعلامى عايش على الضلال
كلامه كله إفلاس

وصحفى ينشر أكاذيب
وكلام بعيد عن الإحساس

ومحامى جعل الحق
تحت الحذاء ينداس

ورفع الباطل فى العالى
وجعله هو الأساس

وشيخ كبير  ووقور
ماشى بين الناس عساس

وتاجر بيغش فى سلعته
لا خوف من الله ولا الناس

وحرمه كاسيه عاريه
اللحم هو اللباس

وجار يخون  جاره
وولىَ  زمن الإخلاص

وأخ حاقد على أخوه
وأصبحت النظرات رصاص

وربوى استغل حاجة الناس
وعاش على الدماء مصاص

وإمرأه بتُتَاجر بالجمال
استغلها رجل بصباص

وشاب كان متفوق
أصبح مدمن وهلاس

والكل شايف وباع ضميره
ونسى يوم الخلاص
...........................
بقلم.ابراهيم الحلوانى شوقى