قصيدة " نفسي "
نفسي
اصعب حاجة في الدنيا
لما تلقى نفسك وحيد
وانت والبرد يهمس لك
ومتغطي بحضن جليد
ونبض القلب يتألم
واه محبوسة جوه وريد
وبير الدمع بقى ناشف
وجدرانه ماليها صديد
وذكرى امبارح تنده لك
ومن امتى كنت سعيد
انا من امبارح ومن قبله
متكبل بقيد وحديد
نفسي ارفرف بجناحي
اطير لمكان هناك بعيد
واشوف الفجر بعيوني
وحلم في قلب لسه وليد
نفسي انام وما اصحى
في حضن دافي وفرح وعيد
يحيى حسين 20 يناير 2020
للشاعر/ة/ يحيى حسين
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق