@@ هل هلال السعد @@
———————-
” لغة عامية دارجة ”
——————
يا بنت يا مسعدة هللي وكبرى
دا السعيد وصل هل هلاله
بأحلى أيامه وأجمل لياليه
دا شهر الرحمة والغفران
شهر يمن فيه الرب بالعطايا والإحسان
علقي الزينة والأنوار أمام الدار
صحي العيال واديهم الفوانيس
خليهم يهيصوا ويقولوا
اهو جه ياولاد .. اهو جه ياولاد
قسمتيه يا مسعده لتلآته
عشرة عبادة
عشرة شراوة
وعشرة للبسكويت وكعك العيد
وكل يوم واقفة في المطبخ
تفنني فى طبخة .. تملى بيها المعدة
ساعة ضربة المدفع
هنيالك يا مسعد
دى مسعدة كريمة وشاطرة
ست بيت عارفة بيت قصيدك فين
علشان إياك تقول
أنا صايم .. أنا جوعان ومسعدة مجوعانى
وفوق دا كله مش ناسية
فروض ربها صلاة .. صيام .. زكاة
يخليك يا مسعدة
ويجعلك مالية علينا الدار
ملياه محبة وتسامح
وكمان سلام فى سلام
يا ناصحة وعارفة بيت القصيد فين
*******************
بقلمى / محمد أسامة حسن الشريف
مصر - أسوان
11/5/2019
ليست هناك تعليقات:
إرسال تعليق