اسكت يا لسانى هنوزنها
والحالة المايله هنعدلها
وبكره تشوفوا وتدعولنا
لاحفادكم الجاية هنشيلها
اسكت يا لسانى
مالكم ياغلابة مش قادرين
كنتم عايشين والله راضيين
حامدين ربكوا عالطول شاكرين
اتعلمتوا تصيحوا خليكوا طايعين
اسكت يالسانى
عايشين على الفول والطعمية
لحمة واسماك كنتاكى وماك
إياك تحلم واتغطى ونام
انت اتجننت مالها الملوخية
اسكت يا لسانى
إياك تتكلم على الأسعار
الاكل غلى اخدت قرار
انت هتشتكي اعمل اضراب
ضد الغلا والاسعار نار
اسكت يا لسانى
اللي بيغلا بلاش منه
حتى الاكل فغنى عنه
الدولار مشلاقي حد يلمه
والجنيه اتعوم زى أمه
اسكت يالسانى
خدها نصيحة واسمع منى
عالغلا ودروس الله يعنى
اقفل بابك واظبط حالك
وفر كهربتك ولا تسألنى
اسكت يا لسانى
فيها ايه لو صومتوا ولا تأكلوا
ده الصوم فيه فايدة
لابدانكوا
وبلاها سحور وهتبقوا
تمام وفرتوا
واهو كله فى ميزان
حسناتكوا
اسكت يا لسانى
قالونا زمان شدوا الحزام
على البطن نوفر للايام
مالك غضبان بلاها كلام
والله هتفرج وتعيش بسلام
اسكت يا لسانى
فيها لو نصبر حبه كمان
بعدها الكل يعيش فى
أمان
العمر وطوله فى أيد الرحمن
ولو موتوا هتعيشوا فى
الجنان
اسكت يا لسانى
ليست هناك تعليقات:
إرسال تعليق