قصيدتي الجديدة
(اللعبة)
انا اللعبة اللي حبيتك
وكنت معاكي وفي بيتك
انا الايد اللي طيبتك
انا الروح اللي غذيتك
***************
بكل مشاعري ضميتك
وعطرتك وشميتك
اخدت الورد من خدك
وباسم الورد سميتك
********************
انا اللي في قلبي ربيتك
وجوه عنيا خبيتك
ولما النار بتحرقني
بتطلع ناري من زيتك
*****************
لا عمري في مرة سبيتك
ولا بايديا هزيتك
ولو ينساكي كل الناس
فعمري في مرة ما نسيتك
*******************
انا استحملت تخبيطك
ومتعلق انا في خيطك
ومهما تغدري بيا
عنيا بتبكي علي حيطك
*****************
قتلتيني وانا في غيطك
بكيتي وقولتي ياريتك
لقيتك في العزا وحدك
فقمت بنفسي عزيتك
فقمت بنفسي عزيتك
ليست هناك تعليقات:
إرسال تعليق