والله احلى ماكتبت عن الأم
---------
لما جيت أكتب عن أمي
وأمدح في ملامح الوش
(أمي قالتلي ماتكتبش)
(بلاش يابني ماتكملش)
**
دا واجبنا يابني
(والأم فى الحنيه ماتكدبش)
(والحضن عمره مافيه غش)
*
وأي أم
تجيب لإبنها حلاوه
وكناااااافه وبقلاوه
ومع الغني يتساوا
(وهيه ممعاهاش قرش)
(وهيه تاكل لقمه بمش)
وتنيمه على حرير
وتخليه زي الأمير
(وهيه تلاقي مرتبتها قش)
*
أصل الأمووومه
منحه من الله معلومه
ويوم القيامه مكرومه
(الأم تسعد إللي حواليها)
(حتى لو هيه ماتفرحش)
*
صدقتي يا أمي
أحسنتى يا أمي
فهمت ياااا أمي
(أصلي لسه صغير مافهمش)
(وقلبي فى الأبوه ماجربش)
------------
أتحدي إللي يقرا كلامي
ولا يعيطش ؟؟؟
أشعار الخال عصمت البيلي
ليست هناك تعليقات:
إرسال تعليق