ياللي غيرتي حياتي ونورتي دنيتي
ومهنياني يا أجمل رفيقه لرحلتي
ايامي معاكي كلها هنا وأفراح
ماشوفت في هواكي يوم حُزن ولا يوم جراح
وكل يوم من أيامي بتحلوا دنيتي معاكي
وفاتت سنين عمري بسرعه أوي وياكي
ياريت العمر يرجع من تاني بينا
وتطول ايامنا ونتهني بغرام ليالينا
ونفرح بكل الثواني اللي بتعدي علينا
والغرام والعشق ويانا يدوم
والقلوب جوانا من الفرحه تدوب
ونعيش عمرنا الف عمر ويبقي يادوب
وشموع الحب تنور ليالينا
والدنيا تبقي جنه ونعيمها بين إيدينا
والهوي يدوبنا وساعاته تفوت أوام
يامحلآ العشق ويا الحبايب ويامحلآ الغرام
وسلمتِك أمري ياعمري وبقيت انسان سعيد
وكفايه نظرة من عيونك تخلي دنيتي أحلي عيد
افديكي بعمري ومهما العمر طال
شويه عليكي ما انتي اللي شغلتي الفكر والبال
ياريتك تعرفي أد إيه حبي ليكي ملوش حدود
وعشقي فاق وصفه في الوجود
وارتضيت بحبك نصيبي وكفايه إنتي من الدنيا عليا
وإيه اتمناه تاني يانور عينيا
وانتي أجمل هديه بعتها ربي ليا
واعاهدك ع الوفا واصون الوداد
مهما كانت المسافات ومهما كُنا بُعاد
واوعدك نكون العمر كله عشاق واحباب
من غير ألم ومن غير هجر ومن غير عذاب
ويدوم الوفا بيني وبينك يابحر مليان حنان
ياللي عشقت روحك قبل ماعشقت حُسنك
كفايه عليا إنتي وحنية قلبك
ياكل الأحلام والأماني والأمان
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق