(( احنا ،، فين ))
بعد طول انتظار ،، في الليل
لقيت الفجر 🌆 شقشق
بصيت في السما لمحت
شمس ☀ النهار ،، طلعت بتشرق
و الزهور ،، اتفتحت ،،
و ناس كتير ،، ماليه الشوارع
و الوقت فات ،، من غير ميعاد
فجأة لقيت ،، الكل راجع
بصيت علي الشمس ،، التقيتها
في وسط طمي النيل ،، بتغرق
و لقيت في نفسي ،، في تضاد
في وقت حاضر ،، و أمس فات
غلبتني تنهيده ،، و سكات
و ابتسامه ،، حزينه ،، مليانه ،، بآهات
في الامس ،، ساعة شروق الشمس 🌅
كنا نصحي ،، علي اغنية ،، ياحلو صبح
و عم حمزه بينادي ،، بليله طازه ،،
و فول بدقة ،، و العيش ،، مرحرح
و ام سيد ،، في الوش جايه ،،
شايله المنشه ،، جرجير يا ورور
و عم موسي ،، ماسك المقشة
بينده عليها يقول لها ،، هاتي يا سكر
و عم عبده ،، بتاع الجرايد ،، ماشي ينادي
اخبار 📰 اهرام ،، المصور ،، مين يشاور بالايادي
كنا فين ،، و بقينا فين ،، ايه جرالك ،، يا بلادي
كنا ناسها الطيبين ،، اصبحنا ليه ،، في الدنيا ،، عادي
و الحياه صبحت انين ،، و السنين غير السنين
حتي ناسنا،، الطيبين ،،
حزنانين ،، عايشين ما بينا ،، متغربين
ساكنين في غربه ،، مستغربين ،، و بيسألوا ،، عزوتنا فين
و السؤال ،، دايما في بالنا نكرره ،،احنا فين ،، و بقينا فين ،،
مين اللي يقدر،، ينكره ،، ولا ،، اتغلبنا ،، من السنين ،،، !!!
بقلم الشاعر / ياسر عبد الحميد ،،،!!!
ليست هناك تعليقات:
إرسال تعليق