اهون علیک 🙏بقلم الشاعر/// اشرف الدغیدي@

( اهون عليك )
أهون  عليك  ياغالي
تعذبني وتشغل بالي
وتحيرني أيام وليالي
يآمجنني وإنت معايا
وإنت بعيد ناسي هوايا
ليه تغيب عني مابترحمني
إسأل عني وما تهجرني
ليه تسهرني وانت ناسيني
وتأسي عليا وتبكيني
ليه يآحبيبي وانت حبيبي
تبعد عني.وتنسي أنيني
قرب مني وماتعاندني
ليه تجافيني وتبقي ظالمني
والأيام سريعه بتجري
وانا من غيرك بيها ما بدري
وأقول لأيامي ياريت تستني
وانت تغيب وتزيد نوحي
ولما اشتقلك ابكي لروحي
وأنسي عذابي لما بتسأل
وتزيد شوقي لما بتتقل
ولما أنام لطيفك باشكي
ويصبرني لما باحكي
وغصبٍ عني بلآقي نفسي
بقوله سامحته بس القاه
ويصالحني ويونسني
ويروي عطشي علشان بهواه
وينسيني   لوم  عُزالي
لما يقولي أحلي گلآم
ويسهرني أحلي ليالي
ويوديني دنيا الأحلام
واشوف الحب جوه عنيه
الآقي نفسي  بفكر  فيه
ولما يزيد حبيبي عناده
لياليه الحلوه تصبرني بعاده

خواطر..(  أشرف الدغيدي  )
حقوق الملكية محفوظه