قصيدة " لما الوجع يكسر قلوعه "
Samir Mahmoud
لما الوجع يكسر قلوعه
لما يموت من كتر جوعه
لما الزمن يطفي شموعه
لما سريره يكون رصيف
...................
لما يدوق طعم الخطر
بردان وخايف م المطر
لما القلوب تصبح حجر
والكل يلعب دور كفيف
..................
لما الأمل جواه يموت
والقهر يطرح ميت سكوت
لما الزمن يرسم خطوط
ويعيش حياته زي ضيف
......................
لما الثواني أنين ومُر
لما الفرح يرفض يمر
لما يضيع في الهم عمر
لما المنى اقصاه رغيف
....................
لما ينام ومفيش غطا
في عز نوات الشتا
ويعيش حياة اللخبطة
بجد صعب وشيء مخيف
....................
ياللي انتواساكنين العلالي
يا مرخصين من كل غالي
سيبتوا الفقير يصرخ يلالي
انتوا اللي لوثتوا النضيف
..................
بكره السنين بيكوا تدور
بكره الزمن يقلب يجور
وتدوقوا من نفس الشعور
وتشوفوا برد ف عز صيف
#سميرمحمود
للشاعر/ة/ Samir Mahmoud
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق