قصيدة بعنوان (بوح أعمى /بقلم الشاعر /فضاء فتالة

 Fadaa Fatalla

بوح أعمى ♥♥

من له أذنان للسمع فليسمع ........؟؟

بهاك السنة اتعربشوا الثلجات عالحيطان .

.......اكرج كرج الحجل ت اوصل التلّي

ذبل الورد عشفافها وغفيت الأغصان.

.......وبعدني بهاك الدرب من تلّي لتلّي.

خجل الصخر من دمعتي ركد حزنان .

.......نايم عكتف الندى ...عم إنطرك طلّي .

سمعتْ صدى صوتا.. يمكن كنت غفيان

.......بتنده بإسمي عالهدا من بعيد بتقلّي

يالله يا إبني لتقول من الدرب تعبان .

......عم انطرك من سنين .من نبع الصلاه ملّي .

قلتلا يا إمي كفيف البصر بثياب رهبان .

......عايش بنور الرب .. بقلبي اليوم ضلّي .

مدتْ يمينا..... ومن مبسما الضحكان .

........إمشي بطريقك وعينك للسما علّي/ه

سبحان الذي.. .....وجها كالبدر بان

........مسكتْ بإيدي وشدّت إيدها عليي.

همستْ بقلبي .....غصْ الدمع بكيان .

.......قلتلا دخيلك يا عدرا على هيك طلّي .

زوري بنورك....القری والبلدان

......اتشفّعي لأهلي وعلی كل بيت دلّي .

لتبارك حياتك بالنور يا إنسان .

.......إنسى هموم الدني و بإسم الرب صلّي .

سلام ونور ومحبة لجميعكم ♡

..... بقلمي فضاء فتالة ♥♥

الشاعر /ة / Fadaa Fatalla

تحت إشراف رئيس مجلس الإدارة السفيرة ‏د. منى ضيا‏ (‏منى داوود ضيا‏)