لبنان يا لبنان شو اللي
صار
انشالله تكون بتكذب
الاخبار
انسان فتّش ع دوا
قلبو على بنتو انكوى
وحسيت انّو انهار
لبنان يا لبنان شو اللي صار ؟
كيف ممكن هيك بتكفي
ول وين بدّو حالك يصفّي
القفطان لما يضيّع الدفي
معناتها ما بيعرف الابحار
لبنان يا لبنان شو اللي صار
شعبك عن ترابو غصب بيفل
عا طول عمرو ما بيرضى الذل
الحكام لازم عن سماك تحل
تا عود اخضر مثل غصن الغار
لبنان يا لبنان شو اللي صار
قوموا وقفوا عنّو لا تتخلّوا
وقولوا ارجعوا للناس يل فلّوا
وكل لبناني رح ب قلّوا
عرفناك انك صامد وجبار
لبنان يا لبنان شو اللي صار
يالله سويه رجعوا الماضي
لا يهمكن حاكم ولا قاضي
خوفي يصفّي هالوطن فاضي
وبدل الضحك تبكي حجار الدار
وغير هيك مش رح يبتدي المشوار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق