قصيدة " أم الزلف "
Ghanem Al Khouri
أم الزلف
♡ هيهات ياام الزلف زلفا ياموليا
عسل شهدك دلع من لمس أيديا
يللي بجمالك مافي حدا
قتلوني عيونك العسلية
خدوك يا ورد و ندا
بالحب تجمعنا سويا
إنت الصوت والصدا
بروحك تفهمي عليّا
لما كبرنا بالعمر ع الهدى
بندهتلك يانظر عينايا
♡هيهات ياام الزلف زلفا ياموليا
شريان الوريد انشلع من كثر الحنية
لما زر القميص انخلع
وبان الرمان والكرز المخفية
ملكتني بحركاتها و الدلع
صحى لواعج القلب المخفيّا
بصرت عند السحة بالودع
لا أعرف اسرار ها الصبية
شفت العجايب والبدع
و كنوز تذوب و تحرق فيّا
♡هيهات ياام الزلف زلفا ياموليا
خاطرنا عندكم ذهب بالله تردوه ليّا
قالوا بداركم جمال العجب
قمر بهلال و سيوف محنية
جمال للناظر يسلب الألباب
عطر فواح و ورود مخملية
كتبنا رسالة برمش الهداب
محملة مشاعر حب صافية
ناطر نسمع رد الجواب
بالله لا تتأخروا بالرد عليّا
.. غانم ع الخوري ..
للشاعر/ة/ Ghanem Al Khouri
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق