قصيدة " أُمه ترقص بلا جسد "
قصه شعريه
أُمه ترقص بلا جسد
.....................
خرجت مع الأصحاب كالعاده
قلنا نجلس عالقهوه
واحد طلب حلبه
وواحد طلب سحلب
وواحد طلب قهوه ساده
الكل إتكلم والكلام كثير
حسيت ان المواضيع متعاده
فجأه سمعت صوت
لوسمحتم يا جماعه
لو سمحتم يا ساده
حنشغل قناة التت
لحظة فرفشه وسعاده
وجدت الكل صامت
وكأنك فى مكان عباده
الرقص اشكال وألوان
وكله ظاهر فى المليان
الناس تطلب إعاده
تعجبت ضربت كف بكف
ودماغى صدع ولف
قلت أه يا بلد التت
فيكى وسط الست
جعل الشيخ يترك السجاده!!!
خرجنا من القهوه مشينا
ذهبنا نجلس فى الجنينه
شفنا مناظر خطيره ولعينه
شفت الواد سعيد جرنا
ماسك البنت فكريه
دعك وكلام حنيه
كأن الحديقه غرفة نوم
فى كل ركن تسليه
الكل شايف وراضى
وكل شئ أصبح عادى!!!!!
رد جابر صحبى وقال
يا عم كبر دماغك
علشان يخف صداعك
أنت شايف المجازر
فى سوريا والعراق
وفلسطين ومسلمين الصين
ولا بورما والشيشان
و القتل فى كل مكان
راح يا عم زمن الإحسان
أصبحنا غثاء سيل يستهان
القاده تَنحوا عن الرجوله
صارو عبيد وغلمان!!!!!.
قلت يا عم جابر حرام عليك
زودت الصداع كمان
ياريت ما خرجت من البيت
كانت خروجه غم وتوهان
أه يا أُمه نخر فيها السوس
تريخها مات من زمان
إلتفت عليها الأُمم
بخوا السم كما الثعبان
أه يا أُمة الكرامه
كبيرها أصبح غلبان
باع الكرامه والعِزه
ماشى وراء شيطان
كفايه سهر يا أصحاب
من الأفضل نجلس فى البيوت
وراء البيبان وخلف الجدران
.......................
بقلم.ابراهيم الحلوانى شوقى
للشاعر/ة/ @
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق