. دوختيني
بتتذكري يوم كنا تحت التيني
شو شربتني شفافك لا دوختني
تقلبنا سوا خمرانين وانسينا
تيابنا بعدها لبستك و لبستيني
قلتلك فقير وما بحالتي اللضى
سبلت عيونك رضيت تشاركيني
تعاهدنا نقضي عمرنا سوا
تكوني حدي على الدني تعينيني
نغني الحان من وحي الهوا
متل عصفور بيحاكي الياسميني
ما مضى سنتين واكلنا هوا
صرتي تجرحي بكلامك وتعيريني
تفرقنا و كل منا بحالو مضى
هلاء جنابك جايي تصالحيني
بعد الهجر سنين هلكني الصدأ
نفسي عافت النسوان يا تقبريني
خلني بحالي حس طعم الهنا
دوري على غيري بعد ما جربتيني
هلاء عايش طاير حر بالفضا
بحكيّ الندم ع القفص لا تعيديني
.. غانم ع الخوري ..
الشاعر /ة / Ghanem Al Khouri
تحت إشراف رئيس مجلس الإدارة السفيرة د. منى ضيا (منى داوود ضيا)
ليست هناك تعليقات:
إرسال تعليق