ساعة استعادة،،،،بقلم الشاعر /نبيل أمين

ساعة استعادة

لما كانت الدنيا مرة
أبتسامتك كانت سعادة
كان وجودك أغلى درة
وحبك زى العبادة

لما كنت أقلق شويه
كنت ارتاح  ف ظرف ثانيه
من ايد تتحط عليا
السعادة احسها ف زيادة

لما شالنى عودى حبة
كنت ازهق يعلا صوتي
تضحكى تقولى محبة
اجمل معلم وبإجادة

دمع عينك كان بينزل
وقت تعبى
والسعادة تملا عينك
وقت لعبى
ودلعك كان عندى عادة

الشوية كان يزيد
كنتى نهر حنان يفيض
تبكى عينك لو مريض
تجرى بيا على العيادة

مهما أقول ابدا ما هوفى
عسكر درج ديما تطوفى
كنتى شايلة منى خوفى
مش مجاملة دى شهادة

بأعلى صوتي بأقوى زمة
نفسي بس لو  ف ضمة
ألف رحمة عليكي يا اما
آه لو بس ساعة أستعادة

كلمات وتأليف
الشاعر نبیل امین