كفاية آلام /الكاتب سعيد الشيخ

قصيدة: كفاية آلام 

للكاتب سعيد الشيخ

انا التايه

 بقيت متشقلب الأفكار ومتشتت 

عايش فى ضغوط 

منيش مبسوط

وخايف اكتم الضحكه او أستسلم لاحزانى

وأعيش فى سكوت ...

..وبكتم وجعي جوايا ..

وبظهر للى قدامي إن أنا جبروت..

..محدش شافنى بتالم وشال عنى ..

محدش حس اوجاعى ...

وقال أكمل ..

فباع وعده وهرب مني ..

محدش شاف دموعي وهيا نازله سيول..

محدش من صحاب عمري إللى ياما

كنت بسندهم في شدتهم ..

سندني فى يوم وقواني على الأيام...

محدش فاكر الحلو إللى ياما عملته لجل قلوب

خساره فيها حتى سلام ..

وفجأة العمر يسرقنا 

نلاقى نفسنا كبرنا..

نشوف الحصره فى الأيام..

بقينا في سوق وكله ليه سعره

ومعاك إيه وبعته بكام...

تعبنا آلام...

وبنعافر لان قلوبنا مستقويه 

مابتعرفش الاستسلام 

يادنيا غريبه .. بستعجب من الأيام 

وكلمة بكره تتعدل 

بقينا نشوفها في الأحلام 

لاكن إيمانا فى قلوبنا برب الكون 

رسم ضحكه بريئه بصبر جوانا 

كسر أوهام..

كفايه آلام...