سوق الضباع زايد بقلم الشاعر ياسر مهدي عمرو

سوق الضباع زايد
وكلابنا بتزايد
والسبع محني الراس
وديابنا بتعايد

سوق الرجال ولى
والنسوه تتحلا
باشنابهم العيره
والطبع تتخلا
قومي يا دنيا الناس
معدومه م الاحساس
قومي وخلي رجالك
يعدوا لينا اساس
عن دينهم اتخلوا
لكلابهم اتذلول
والنخوه اهي مالة
وضباعهم اتولوا
ولامته يعني نقول
الشيئ دا مش معقول
فوقوا يا خلق الله
الامر مش هيطول
ايدك بقا ليا
والناس حواليه
هنلم بعض نروح
نزرعها حنيه
دا الحب دا لينا
في البر والمينا
والجدي دا صاحي
شلله ياواد سينا
اروحنا هي طارت
وبدمنا فارت
والقدس جاها الدور
والموت كمان زارت
فوقوا بقا م الخوف
دستور يا شيخ حلوف
الحكم ف ايدينا
مليون وجنبه اللوف
يلابنا يا خال
وانت يا شيخ متقال
راح نعدل المايل
ومعانا عبد العال
ماتبصش بقا خلفك
الظلم هيخالفك
وامشي بسير عالي
بخطايا لك عارفك
بكره هتيجي تعيد
بالعوده تبقا سعيد
وشعوبنا تفرحبك
ونقيم ليالي العيد
وتغني اروحنا
بالقدس وفرحنا
ونلم شمل الناس
ونداوي لها جروحنا
ياسر مهدي عمرو