*** مش خـايف ---[ميروك البنا]-----

*** مش خـايف
---------------
*يا جنيــه يا ساكنـه الروح وسحـراني
أسـرتي القلب وبتجــري في شـريــاني
جمالك هو عنـواني أتوه وهوه يلقــاني
ومهمــا اهــرب ألاقيكـي في أحــلامي
*انا بعشقـك واتمني اعيش العمـر ليـك
ومستحيـــل أبعــد للحظــه عن عنيـــك
احسـاسي قــال إني انـا اتخلقــت ليـــك
في أحلامي اجـري عليك وامسك أديك
*بطــرف عنيــه وبالغمــزه يشـــاغلني
و شــوقي إليه لشــط هـــواه يطيــرني
يــوم والتــاني غيــابه عليــه يحيــرني
أعيـش في نـــار وحبي ليه يصبـــرني
*ولمـا تـفــوت جـنـب مني زي نـسمـه
احــس بيــك بـتضمني بـأحلــي لمســه
والهــوي يقـول لي عنـك أحلي همسـه
وكل أملي كلمــه منـك او حتي بسمــه
*بعد ما ارتحت وارتـاحت روحي ليك
بعد ما شفتــك شفت السعـادة بين إديـك
وعمري ما عرفت طعـم للدنيا إلا بيـك
تهت مني ضاعت في الزحمه خطاويك
*الحب نبض قلبنا ونـور حيـاتنا وحقنـا
الحب نهـر للحنان مش حكـايه متلـونه
الحب يعني أمن وخــوف علي بعضنـا
الحب نعمـة من الله وغـريزه في طبعنا
*يانجمه يااخت القمر نفسي أنـول ودك
ألمس جبين خدك واروي تيجان وردك
تحيني بسمـه وهمسه ولمسـه من يــدك
ويطفي نــــار الشوق كـاس من شهـدك
*أيــوه حبيتها ازاي وليــه مش عـارف
كل اللي عـارفه إن غيرها مش شـايف
كل اللي عارفه لحب غيرها انا عازف
كل اللي عارفه إني معـاها مش خـايف
------------[ميروك البنا]------------