هجرت الخيمه وجاييكي يا أم العز
أتحدى الموت لو جاني على نابو يكز
من تكويني وأنا قلبي قطعه من الصخر
عربي كرمالك أرضي الموت يلذ
كرهت الصبر ونسيتك عمي أيوب
نويت الهجر وعن دربك قررت أتوب
قللي عاصي قول كافر قللي مغضوب
بصرخ وبقول كلامك كلو مشطوب
مادام العادي بدمي يسكر ويمز
يحاصرني الموت وجنابك بتقللي حن
نزل حجرك من أيدك يكفاك تجن
احكي يللي على بالك عمال يعن
يحرم علي لو اضحك ويبان لي سن
ألا ماوكر العادي بعزماتي أهز
لشو هالروح إن ماكانت تفدي الاوطان
احكي الحق ولاتوارب وتقول غلطان
قضيت العمر ع اسناني اطحن صوان
وابني الصغير يندهلي بابا جوعان
ينام الليل وهو بيحلم برغيف الخبز
صارلن سنين يهجوني ويسبوا علي
ودمي يجري برصاصن شلال المي
زرعوا العتمه بعيوني محل الضي
ودبحوا قدام عيوني الأم والبي
وبعدو خنجر أجرامن بقلبي يغز
مارح ارتاح ت اسقي العادي الويل
يشرب ت يدوخ على أيدي وينهد الحيل
ساعتها المجد يتربع صهوات الخيل
ونسمة بلدي تتعطر بعبير الهيل
وارضي الحره تتهادى ع دروب العز
ليست هناك تعليقات:
إرسال تعليق