الدنيا مالها
..............
الدنيا مابتديش محتاج
ولا مره نصفت يوم عايز
تدى الحرامى وتضحكله
وترفع الهلفوت جايز
بس الحرام ما بيدومشى
ولا حد منه طلع فايز
نيجى على الغلبان
وتزله
لحد ما فاض من غلبه
نفسه يعيش عيشه حلوه
راضى بالحلال حامد ربه
حلم الفقير يدوب
عالقد
ودمعته نار عالخد
يشكى لربه حرمانه
يا دنيا فيك غنى وفقير
للرب حكمه فى التدبير
والرزق مش مال وولاد
الرزق راحة بال وضمير
وقلب عاشق كل جميل
يحضن ساعدته معاه
ويطير
لا عنده حقد ولا بيغير
ورامى تقله على ربه
على شحاته سليم
ليست هناك تعليقات:
إرسال تعليق