لتكول آني كادر وانتة محتاج
مايكدر عليها الهوة كادر
إحذر بالعشك عثرات الفراك
جرحك ما تلمة أكبر مكابر
مصيوب اليحبك واليخليك
مصيوب الذكر ولفة علة ساتر
ما ميز الجيلة الي تأذي
ذكرة من حبيبة لو رمي كافر
يصح نايم بصفك ما يحاجيك
ويحجي بصفنتك البيك شاعر
مو كل الحزن دمعات بالعين
بلاية دموع من ينكسر خاطر
لاتعاشر قريب وعنك بعيد
إحذر رفكتك بسم المظاهر
ما فاز بغرامة وعاش مرتاح
بس الي تحسة بشوكة ظافر
خاف الجرب وعايش معاناة
وخاف البغرام التوة صاير
لا تخنك لهفتك للي حبوك
وبعد كل موديل الهسة داير
عمر الحب أبد ما غيرتة الناس
هية الناس من ثوب التفاخر
لا تغامر بحبك تتطلب أسباب
وأقبل ما يجيك وانتة شاكر
مو كل حلو يتلذذ بعانات
فرق بين الحناجر والخناجر
عاين للزرع لو لاحك البين
باقسة الظروف تخضر بيادر
ما مات الوفة بس مات الإحساس
وما خلص نهارة العشكة ماهر
المعلم حدادة شراح يرضي
بس صوت الحديد ودك التناكر
والعايش خدادة لا تراوي
بس صورة بحر يم المزامر
عيش بدنية هالك وانتة ندمان
واقنع بالقليل وانتة صابر
تحصد كل جميل اليرضي الإنسان
تحية الجنة كبل حساب ناكر
...........................
بقلمي
الشاعر والأديب جبار الشمري
ليست هناك تعليقات:
إرسال تعليق