الشعر شاب ،،،،بقلم الشاعر**سعيد الشيخ....

قصيدة: الشعر شاب
الكاتب:سعيد الشيخ
.. الشعر شاب
مع اننا الاسم لسه شباب
الشعر شاب
وكأننا فى بلاد بعيد
عايشين هناك أغراب ..
والفرح فينا زي القريب
مستني اي جواب...
شايلين هموم وحمل كبير
وما نعرف الأسباب
حتى الزمان
بكانه حزن وجه علينا
فضاع اجمل ما فينا
من ضحكه صافيه من قلوبنا بقت تحت التراب
قطر الحياه مشينا معاه
تعبنا آلام وعقلنا تاه
حتى الخداع في الدنيا أصبح
اسلوب حياه ...
والصدق مات والكذب أصبح طوق نجاه
والكل بقي يسمع ويمشى يقول
والحكم بقى ما السمع كلام معقول
وبقى الجواب من غير عتاب
بس الأكيد
 إنك مشيت فى طريق نهايته عذاب
وابدأ بتوبه لربنا ده ربك التواب