يافجر شقشق شقشقهً
فتح بيبان الشرنقه
وارسملنا طعم اللقا
او قول لناٌ
لمتنا ليه متفرقه?
وقلوبنا ب بيك متشعلقه
............
يافجر شقشق من جديد
يافجر جي من بعيدٌ
يوصٍل لنا حبل الوريد
اشتقناصبح يكون وليد
نرقص نغني لاحلى عيد
احلامنا ليه متخنقه ؟ٌٍ
...................
يافجر ميه مروقه
تروي غصون متشوقه
وبلاها عيشة الزندقه
وحاجات كتير متلفقه
من جوه يعلم ربنا
من بره تبقى مزوقه
..............
يافجر خبط ع البيوت
خلي ظلام الليل يفوت
ينهد وكر العنكبوت
وارتاح في ضلايتك ياتوت
قرب يافجر شبعنا موت
وشبعنا صبر وشعلقه
....ٌ.....ٌ........
يافجر يابو الشقشقه
.طول عمري معجون بالشقا
في رقبتي حبل المشنقه
سكين في ضهري معشقه
والريحه فايحه معتقه
كل الغيلان متخندقه
..............
يافجر حارس ع البيبان
البحر مليان بالحيتان
اوعاك تصهين أو تنام
هزهز عيدان السيسبان
وفوت على كل الغيطان
سمعنا صوت الزقزقه
.................
يافجر يابو الطيبين
امسح دموع المجروحين
الغدر مالهوش أي دين
واغزل لهم ربك معين
من نور جبينك السكن
يافجر يابو الشقشقه
.................
يافجر جاي وقت الخطر
عاشق وقلبي اللي انفطر
الارض محتاجه المطر
لو جه خيالك او خطر
الفرح من قلبي اتنطر
عصفور وغاوي الزقزقه
ٌ.............................
الشاعر : سامي عبدالعال
ليست هناك تعليقات:
إرسال تعليق