من مية نيلك شربت ولسة ماشبعت
أنا قمحة فى أرضك وعلى شريطك الاخضر
ترعرع أغصانى أنا غنوتك وربابتك وحكاوى
اغانى زكريا حجازى وأشعار بيرم التونسى
وسيد درويش المغنواتى
أنا عم قنديل أبو وش أسمر اللى كف أيده أخضر
اللى زارع الخضار فى كل ربوع الوادى وفرحتة بيكى بتكبر
يامصر ياغالية يلى نهارك مهرك من كل ايد ولادك العفية
هناك على خط القنال واقف ابنك دايس على الزناد واقف فى موقعة
حالف مايسيبة اللى مايرجع فجرك ويعدى القنال ويرفع علمك
اصل الزمن رايح وانت جابة ماانت طول عمرك شامخة صلبة
ابنى كتب أسمك فى كراستة بحبك يامصر ومكتبش أسمة
كتب فيها بلادى . بلادى . لك حبى وفؤادى
وبنتى بتقرإ فى تاريخك عن أحمس ورمسيس وعن متى قديس
عن مصطفى كامل وسعد زغلول وعرابى
عن عبد الناصر وسادات
كلهم ولادك وفى أرضك عاشت كل الأديان
حلفوا ما يحنوا راسك لانك غالية ومهرك غالى
فجرك جاى وليلك الطويل مش يرجع تانى
مش هيرجع لان ولادك السمر حالفين يبقى طلة النهار مهرك
فجرك بيطل من فوق كل مأذنة ومن كل جرس كنيسة
فجرك من خضار أرضك وطلة قمحتك
من مية نيلك شربت ولسة مشعبت
أنا ابنك اللى تربى فى حضنك وسمارى بين البلاد عنوانى
اسقى أرضك بدمى مالنا يكفينى دمى انت غالية يامصر
ليست هناك تعليقات:
إرسال تعليق