صبرية قالت لصابر
من دفى جنبك على جنبي
جف الحليب و صار عٓ جبني/ة
ما اطيب أكل الخبز معك
اللي كلّو عٓ جبنة
ولا تفكّر بس أكل الخبز
وحدو اللي كان عحبني
طبعك الطيّب معي هوّي
اللي كان عجبني
ما انحرم من كرم جلبك
اللي كلُو عٓ جبني/ ة
بس يا صابر بخاف تعلا النار
ما بين جنبك و جنبي
و يروح يتقرّش الحليب
و ما عاد يصير ع جبني/ة
رد عليها صابر
إيدِك لإيدي للخير
و العون مدّي
و لغدرات الدهر إيدِك
للناس ما اتمدّي
ضياع البيت لا منٌك
و لا منّي بعد مدّة
حشرت الخلاّن بينّا
الخراب والفتن بعد مدّة
عندك حلاوة الصبر طعمو
عسل بعد مدّة
وابمعشرك يا بنت الأصل
عالحلو بعد مدّي
يا شمعة العمر عا مر
الزمن بعد مدّي
دوّب من عمري يا زمن
واعطيها بعد مدّة
ما اصعب فراق لولاد
عنّا بعد مدّة
والحصيرة يا صبرية ما عاد
تنمد لا تحت طبق و لا تحت مدّي
و لهيك ما بعرف يا عمري
شو بق ٍ من العمر مدّة
وصيتي لولادنا عند الشدّة والهنا
تبقى اتضل قلوبهم عا فرد مدّي
ليست هناك تعليقات:
إرسال تعليق