هم هيج دنيا واتحاسب عليها
وااني عايش مدري ميت بيها،،
گلي اشفت بهاذ العمر
اترجه تفرج وانتظر
بجتني باولها ومدري شلون تاليها،،
هم هيج دنيا واتحاسب اعليها
شفنه الظيم ضكنه العوز عشنه الحزن ضگنه الهجر
بالعشره حبينه اوفينه وبالخووه اخلصنا شكثر
مدري الوكت ماصخ طلع
مدري الملح مابيها،،
هم هيج دنيا واتحاسب عليها
ضحينه لاجل الوطن
ولاوينه هموم ومحن
ومن انتصر بخيراته طفرنا وعبر سلمها للحاكم بيها،،
هم هيج دنيا واتحاسب عليها
شمتانين خل نولي عسانا نموت،
شعب شايل حياته بنعش تابوت،،
محسودين عدنا النفط مغنيها،،
هم هيج دنيا واتحاسب اعليها
هاي الناس تعبانه وكاتلها الفقر،
تنتظر رحمه تجي من الله وعداها الصبر
ضاع الضمير البلبشر والغيره ماتت بيها،،
هم هيجي دنيا واتحاسب عليها،،
كلمات: اسعد زمان الشرهاني
ليست هناك تعليقات:
إرسال تعليق