لوحدينا
انا وانت وبس لوحدينا
وستر الليل بيغطى علينا
قمره ونسمه وموجه رقيقه
حلم جميل وكانه حقيقه
ولا حاسد بيبص علينا
وفراش طاير من حوالينا
والقمره فرحانه بوجودنا
وشوق فى القلب كبير بياخدنا
على دنيا كلها افراح
ولا أحزان ولا أى جراح
وانت معايا الدنيا معايا
والعصافير ترقص لغنايا
وموج البحر يعدى يسلم
يرسم فرحه ف قلبى تعلم
هاتى ايديكى تلمسها ايديا
على مهلك وانتى معديه
ده انتى مكانك جوه عينيا
هدى ياموج البحر شويه
واسقى حبيبى كاس الحنيه
اوعى تغيب عنى ولا ثانيه
كل عاشق بيحب حبيبه
وعشقى ليك ياحبيبى حاجه تانيه
شعر احمد اسماعيل/ شاعر العرب
ليست هناك تعليقات:
إرسال تعليق