قصيدة " هذيان الأمس "
.
هذيان الأمس
يا رمال الذهب ملونة
بلون الشمس
يا لونها بلون
جسم العشاق و الهمس
يا لون الغروب
لما كان حبيبي
بحدي أمس
يا ستارة الليل
إلي جاي
بكرا بعد الأمس
يمكن أنا سكران
يمكن أنا غفيان
أو أنا الوعيان
من يوم الأمس
حبيبي و راح
بعد غروب
مدري اليوم
مدري أمس
و بعد عزف كلماتو
ما حدا بيعرف
يحكي الهمس
ريتا تسلملي عيونا
بكرا و اليوم
و هل لحظة أمس
و يا موجات بحر الحب
إلي حملتي حبيبي أمس
إحمليه متل رمش العين
طبعو لطيف اللمس
ما بعرف يمكن
من الغروب تشرق الشمس
و ترجع معها موجات الأمس
و يرجع مركب حبيبي
إلي سافر أمس
بقلمي عبدالرزاق وفائي
حلب سورية
للشاعر/ة/ عبدالرزاق وفائي
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق