قصيدة " من حكايا الليل "
Nassem Hanna
من حكايا الليل
أنا وهالنهر
شارد ب هالوديان عم تشكي
صوت الوجع علقان ع جنابك
شفتك نهر محزون عم تبكي
مشتاق لهفة تلحق حبابك
والمي همسة شعر عم تحكي
طاف الشعر عاوسعة جيابك
والغيم لولا كبّر الضحكة/ي
بيصير خد الأرض عا نابك
راكض لعند البحر تا تركي
قامة طويلة والعشق بابك
حالف ع عمرك ينتهي بركي
عمر البحر بيزيد ع حسابك
متلك أنا يا نهر عم دوّر
علي جفا والنار علقاني
دربي الوفا والعين بتصوّر
صورة جميلة بنت عشقاني
خايف ع حبي يقلب يهوّر
تانصير بحة أوف وغناني
يمرق شهر نيسان ويزوّر
قصة عشق محفور بالوجدان
كومة فرح بدموع غرقاني
بقلمي
نسيم ح حنا
للشاعر/ة/ Nassem Hanna
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق