واليكم نص القصيدة
قصيدة " (((( محلي العشم ف الله )))) "
Elsayed Elkon
(((( محلي العشم ف الله ))))
خلي العشم ف الله
دايما كبير وياه
وإياك تقول الآه
لغيره يا ولداه
هو اللي بيطبطب
هو اللي بيداوي
وع الشفا ناوي
ع الجرح ﻷحبابه
مين غيره رب كريم
يفرجها لما تضيم
وعنده رزق كتير
الله ع جماله
خلي العشم ف الله
موصول كدا دايما
واطلب رضا المولي
تلقاه تملي معاك
ف كل شئ وياك
خلي العشم ف الله
واعقلها وتوكل
مين غيره ه يحلها
لما الهموم تكتر
خلي العشم ف الله
وسير بأمر الله
واركب بقي المركب
وكل شئ تلقاه
ف الخير متركب
ربك كريم محلاه
محلي التجاره معاه
خلي العشم ف الله
وسير بأمر الله
وأرمي الهموم ع بابه
وانت بأمر الله
كسبان رضا جنابه
خلي العشم ف الله
وأنسي بقي عذابه
وافتكر كده رحمته
وعفوه علي عباده
مهما تكون المعاصي
ما يرد يوم عاصي
سبحانه جل علاه
الله عليه الله
خلي العشم ف الله
محلي التجاره معاه
لما تنول عطاياه
برضاه علي آحبابه
كلمات الشاعر / السيد علي القن
للشاعر/ة/ Elsayed Elkon
تحت إشراف
د. منى ضيا
رئيس مجلس الإدارة د. منى ضيا
ليست هناك تعليقات:
إرسال تعليق