قصيدة " عتاب الحب "
Saied Gafur Alshike
قصيدة : عتاب الحب
الكاتب : سعيد الشيخ
قلبى لقلبك ليه عتاب ...
نفسى أشوف
منك جواب ...
قولى بحبك
بكرهك
أو عرفينى معنى الغياب ....
ليه فى كل لحظه
بقول هتحكيلى
تعاتبنى
نكون صحاب ....
الاقيها تهرب تختفى
وأشوف أنا
تفكير عذاب ....
اتكلمى
وأعرف مصير قلبى
إللى داب.....
أحسن منا مشغول
وعقلى بيكى ليه مليون جواب....
هو إنتى ليه بتعذبينى
وبتقوليلى
بلاش عتاب ....
جتلك بنفسى لحد أرضك
لما فرحى عنى غاب.....
وجمعت ورد
وقلبى نبضه منه ساب ....
وكتبت عنك كام كتاب ....
فى حبك إنتى
بقيت أعيش
حالة انجذاب.....
رميت سلام على كل باب ....
من أجل حبك جيت لعرشك
بعترف
عاشق التراب ....
ولا فى قلبك حد تانى
وخايفه إنى أعيش عذاب ....
والله كلمه واحده منك
فيها فرحى
وفيها حزنى
وكلمتك سطر فى كتاب ....
أنا هفهمك
وهكون بعقل وقلب مدرك لما إنتى تكونى بايعه
وقتها القلب يبقى
غلط وتاب ....
وفى فرق لما تكونى شاريه
بس خايفه تبينى وبتنكرى الحب
وبتعيشى إكتئاب....
خايفه فى لحظه الحلم يدبل
والحكاية تكون سراب ....
اتكلمى والله سامعك
نفسى أشوف منك جواب ....
..... سعيد الشيخ.....
للشاعر/ة/ Saied Gafur Alshike
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق