قصيدة " حبيبي ليه نعيش اغراب "
Ahmedm Elshazly
حبيبي ليه نعيش اغراب
ويجرى العمر سراب
وليه نكدب على روحنا
ولسه لاجينا ولا روحنا
غلابه والهوى غلاب
بحبك والعيون قالت
بحبك كل يوم اكتر
بحبك والقلوب مالت
فى احضان الهوى تسهر
وقلبى الاخضر الطيب
غلب تنهيد. وحنيه
وقالوا الصبر بيطيب
وفين الصبر يا عنيه
اهيم حواليك
وقلبى عليك
وفى عنيه
كلام فى عنيك
وليه نكدب على روحنا
ولسه لاجينا ولا روحنا
غلابه والهوى غلاب
ليالى الحب مبتسمه
لكل اتنين وفين انت
دى ورده بتحضن النسمه
وانا وانت كدا لامتى
حبيبى الحب جمعنا
وليه البعد يطوينا
وقبل ربيعنا ما يبيعنا
تعالى نعيش امانينا
هنا واحلام
مع الايام
وفى قلوبنا
امل بسام
وليه على
ولسه ولا روحنا
غلابه والهوى غلاب
احمد محمود الشاذلي
للشاعر/ة/ Ahmedm Elshazly
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق