قصيدة " ( خآن حبي وبآع ودي ) "
Ashraf Eldghedy
( خآن حبي وبآع ودي )
هو يعني گان ذنبي انك انت اول حبيب احس بيه
ولا هو ذنبي اني صونت ودك وحافظت عليه
كنت صادقه لوعودي وعهدي يآحبيبي معاك
ومن اول يوم عرفتك عشقتك وحسيت بهواك
وعمري مافكرت يوم اغدر بيك أو مره أخونك
واتمنيت اعيش عمر تاني علي عمري علشانك
وهبتك روحي وقلبي ومشاعري لما حسيت بحنانك
خليتني عايشه معاك في دنيا جنه وگانت يآدوب سنه
شوفت فيها احلي ايامي وذكرياتي كلها حب وهنا
وكنت ادعي عمرك يطول عن عمري علشان مقدرش اعيش لحظه من غيرك انا
وف يوم وليله ياحبيبي مره واحده اتغيرت احوالك
وكنت ابكي واتعذب واموت كل يوم مش عارفه ايه اللي جرالك
ماهو انت بقيت حياتي ومقدرش اعيشها من غيرك
حبيتك اكتر من نفسي وكنت عايشه وراضيه بحالي
وگان ايه ذنبي يا للي بقيت في يوم وليله قآسي واناني
تعيش انت واموت أنا كل يوم علشان شاغل بالي ومحير افگاري
والوم نفسي ومش عارفه ذنبي ليه قلبك غدر بيا وانشغل بغيري
قاسي واناني وكداب غدار ومين يداوي جرحي من غدر طيري
وآه ياقلبي آه وفيت واخلصت لحبه وخدعني الغدار
اندم علي ايامي ولاَّ افضل ابكي علي حالي ليل ونهار
باعنى حبيبي وعمري ماحبيت غيره ليه ظلمني وراح وساب لقلبي الأوجاع
خان حبي وباع ودي وماصان عهده ووعده
ومن ايدي ضاع
حبيته وماقدر حبي وعشقته بجنون
وطلع قآسي غدر بيا وبكي العيون
سرق عمري ودمر قلبي وضيعني
وياريته موتني وما گان يوم خدعني
بعت الكل علشانه وگان بالنسبالي بر الأمان وكل الأماني والأحلام
لكن ياألف خساره عليك يازمان لما تقسي وتدور علينا الأيام
نحب ناس ونتعذب علشان حبيناهم وقلوبنا تحتار
وعلي ايديهم نعيش حياتنا ياإما جنه أو جحيم ونار
ليه نحب ونعيش ميتين محرومين من الفرحه ومن الغدر حياتنا تنهار
والدمعه تشكي من الحبايب من كتر القسوه والمرار
والعين ياعيني عليها بعد ماكانت لمعتها بتحسد فرحتها تشوف النور ضلآم
وآه يآحنان اتبدل في القلوب قسيه وحب نصدقه ويطلع أوهام
الله يسامحك ياللي حبيتك بكل احاسيسي ومشاعري وظلمتني
فرحتني وصدقتك ووفيت كل الوفا غدرت بيا وضيعتني
يارب صبرني علي أيامي اللي جايه وازاي هعيشها من غير مااطمن عليه
وإسعده يارب في حياته وبحبه اللي سرقوا مني هنيه
علشان مايزيد عذابي لو شوفت الحزن يوم في عنيه
ورغم انه صعبان عليا من اللي عملوا فيا
ماقدرش اتحمل أشوف عذابه أو اتمني له أذيه
خواطر ( أشرف الدغيدي )
حقوق الملكية محفوظه
للشاعر/ة/ Ashraf Eldghedy
تحت إشراف
د. منى ضيا
رئيس مجلس الإدارة د. منى ضيا (منى داوود ضيا)
ليست هناك تعليقات:
إرسال تعليق