الغلب..بضم الغين
😭😭
أنا الولية الغلبانة
بيقولوا عني ام لبانة
وانا اللي مدغاها من الجوع
😪😪
انا اللي بشقى علي عيالي
من الحضيض مش ف العالي
ومحرمة عليا الممنوع
😪😪
أنا خديجة وأمونة
بيقولوا عني الملعونة
عشاني رافضة أعيش ف خنوع
😪😪
انا اللي بشحت م العوزة
مش مهنة او كيف للجوزة
ولا بجري بيهم ع الجربوع
😪😪
أنا بنت بلدي المحروسة
ما نيش غريبة ومدسوسة
والخير ف قلبي كما الينبوع
بقلمي✍
ناهد الموجي
ليست هناك تعليقات:
إرسال تعليق