وجع الحرب
ياأمي ولعت الحرب وخيي مات
وقعت جدران منازل كانت تأوينا
صارت صعبةْ كثيرضروف الحياة
تجار اﻷزمه بالأسعار يلعبوا فينا
الفرح فل منسمع أصوات الآهات
شحت المونه ما ظل شي يكفينا
فكرنا..ﻻنستعين على ها الملمات
قلنا للهجر للعيش والأمن طالبينا
بالسفرشفنا غدر تعب و صعوبات
صرنا مثل عبيد لمهربين نصابينا
وصلنا و شفنا ترحيب و مسرات
نار البعد والشوق عم تحرق فينا
الهنا منوع موفر من كل النكهات
لغة غريبه خلتنا للمدرسه طالبينا
فرح الغربه غالي مغمس بالغصات
ثمنه فراق أهل تركناهم مجبرينا
ترى ليش صار ببلدنا هالحكايات
ضعف من إيمان ساعد مخربينا
لعبة أمم و زعران شغل سفارات
بحجة حريه دخلوا بينا مكذبينا
كثر الشهدا فطر قلوب الأمهات
نشفة الدمعة من البكى والأنينا
بعد سبع سنين النصر الكبير آت
بحزم من بواسل جيشنا المامينا
ياشام قومي زيني كل الحارات
بالجوري والغار وأنثري ياسمينا
.. غانم ع الخوري ..
ليست هناك تعليقات:
إرسال تعليق