سرقوا الضحكه منا
وسابولنا الدمع
في العين
مش كفايه
انهم جرحونا
وتركوا القلب
حزين
نسيوا العشره
اللي بينا
دي كانت
عشرة سنين
في لحظه نسيوها
في لحظه هدوها
وقتلوا الفرحه
في العين
وبعدنا عنهم
ونسينا جرحهم
نسينا حتى
شكلهم
نسينا اللي
كان منهم
نسينا جرح السنين
وياريت
سايبنا في حالنا
ياريت يبعدوا عنا
كفايه علينا جرحنا
ما انتوا
اختوا فرحنا
وسيبتوا
القلب حزين
ليه في
سيريتنا بتجرحونا
وعلى فراقنا
بتلومونا
ياريت من
حسابكم تمسحونا
ومن خيالكم
تبعدونا
احنا نسيناكم
ونسينا عشرتكم
ومسحنا سيرتكم
من السنين
و ابتدينا
حياه جديده
مش مهم
تكون سعيده
هى لسه
حياه وليده
والقلب فيها
ما هوش حزين
اللي فاضل
من عمرنا
في البعد
منكم عننا
نعيشه واحنا
مرتاحين
نعيشه واحنا
مرتاحين
سيبونا في حالنا
*******
زجل /سيد الحلواني
ليست هناك تعليقات:
إرسال تعليق