( إعتراااااااااف )
بقلم /أشرف رسلان
👀👀👀👀👀👀👀
شُفت مرة بين حروفك
شُعاع لنور
عِيني تِقرا كُل كِلمة
لحد آخر السطور
ولما خَلصت السطور
رجعت تاني
أملي عيني
بِاللي مابين السطور
قُلت جَايز ..
حَرف ..كِلمة
تَايهه مِني
وإلتَقيت كَلام كتير
كُنت باين .. عَنُه تَايه
هُوَ ..هُوَ نَفس الكلام
لَما قَريتُه مَرة تانيه
مَرة كُنت فيها شاعر
بِاللي ... قاصدُه
بِاللي ... عَاوز
ليه تِقول
شُوفت فيه إحساس
ولهفة .. وإعتراف
في الحقيقة
هو عَندي أغلى إعتراف
إعتراف مَليان أُنوثه
إعتراف مَليان حَنان
قلبي دَق بسرعة
في الدقيقة ألف دقة
خُوفت اظهرلِكْ مَشاعري
بَس ليه .. وإزاي أخاف
دا إنت أغلى حَاجة عَندي
وزَادت في قلبي
غلاوتك
بعد توثيق الإعتراف
إوعى تندم لإعترافك
ولا .. تِبخل بِيه عَليه
لما .. أقدم إعتراف
إنت فاكرة إنك لوحدك
إللي عَندك إعتراف
إعترافي لِيكِ واضح
... من زمان
بَس تَرجِمتُه لكلام
أصل برضوا كُنت خايف
قبل مايجيني إعترف
قَلبي يُرقص
واِبتسامة .. ماتفارقني
إسألي دَا الكُل شَاف
شَاف الفَرحة ف عِيوني
أصل حُبِك وَثقه مِنك
إعتراف✒✒✒
ليست هناك تعليقات:
إرسال تعليق