ضيعتي بقلمي راضي مشيلح

ضيعتي
---------------
يا ضيعتي يا مزناره ب اخضر
يا وجه انقى من النقا واطهر
ترابك الغالي بالوفا. مجبول
ومنه بيفوح المسك والعنبر
يا عايشه جوا القلب عاطول
من يوم ما عليك العمر زهّر
فضلك عليي كبير مش معقول
انسا شي. لحظه وكيف رح اقدر
يا ما شربت من نبعك المعسول
وكل يوم شبر وشبر عم بكبر
ومحتار عا حُسنك شو بقدر قول
وانت الشعر والحب والجوهر
بيبقى يراعي من الوصف مخجول
والبدر كل مَ ذكرتك بيسكر
انشالله يا ضيعتنا العمر بيطول
والشمس تشرق عا روابيكِ
ومع قمر وجهك هالهدا نسهر
-------------------------------
بقلمي راضي مشيلح